Shaqiri vlerëson Koloton pas fitores së Baselit ndaj Lausannes

Sulmuesi i ri realizoi dy golat në triumfin 2:1, ndërsa ylli kosovar theksoi rëndësinë e tri pikëve për vetëbesimin e skuadrës

Futbollisti shqiptar i Xherdan Shaqiri ka vlerësuar paraqitjen e sulmuesit të talentuar Giacomo Koloto, i cili ishte vendimtar në fitoren e FC Basel ndaj FC Lausanne-Sport me rezultat 2:1 në Swiss Super League, transmeton albinfo.ch.

Koloto realizoi dy golat e ndeshjes, duke i siguruar tri pikë të rëndësishme ekipit të Baselit në garën për pozitat e larta në tabelë.

Shaqiri, i cili u aktivizua në 20 minutat e fundit të takimit të zhvilluar të dielën, theksoi se skuadra zhvilloi një paraqitje të mirë edhe pa praninë e tij në fushë.

“Skuadra luajti mirë edhe pa mua. Këto tri pikë janë shumë të rëndësishme për vetëbesimin tonë”, ka deklaruar Shaqiri për mediumin zviceran Blick.

Pas kësaj fitoreje, Baseli renditet në vendin e katërt në tabelë me 43 pikë, duke vazhduar garën për pozitat që çojnë në garat evropiane. /Albinfo.ch.

---