Flamuri i Kosovës ndriçon Times Square në 18-vjetorin e Pavarësisë

Flamuri i Kosovës shfaqet në Times Square në nder të 18-vjetorit të Pavarësisë

Me rastin e 18-vjetorit të shpalljes së Pavarësisë, në Kosovë dhe në mërgatë janë zhvilluar një sërë aktivitetesh përkujtimore dhe festive, duke përfshirë ceremoni, organizime kulturore dhe iniciativa simbolike, transmeton albinfo.ch.

Një nga ngjarjet që tërhoqi vëmendje të veçantë këtë vit ishte prezantimi i flamurit të Kosovës në ekranet elektronike të Times Square, në qendër të New York City. Shfaqja e simbolit shtetëror në një nga hapësirat më të ekspozuara mediatikisht në botë u konsiderua një moment domethënës për komunitetin shqiptar atje.

Ekranet gjigante të këtij sheshi të njohur globalisht transmetuan imazhin e flamurit të Kosovës, duke përcjellë mesazhe urimi dhe krenarie. Kjo paraqitje simbolike u pa si një dëshmi e pranisë dhe organizimit të diasporës shqiptare në Shtetet e Bashkuara, si dhe si një formë afirmimi të shtetit të Kosovës në arenën ndërkombëtare.
VIDEO https://x.com/admirim/status/2023542016765002193?s=20

---