Papunësia gjatë korrikut në Zvicër, 3.1%

Sipas Seco-s kemi një ngritje të vogël të papunësisë, prej 0.3% në krahasim me qershorin

Gjatë korrikut shkalla e papunësisë në Zvicër ka mbetur praktikisht e njëjtë me atë që ishte shënuar në muajin qershor. 498 më shumë të paraqitur si të papunë gjatë korrikut nuk e ndryshojnë përqindjen e përgjithshme që është 3.1%. Ndërsa në krahasim me muajin e njëjtë të vitit të kaluar numri i punëkërkuesve është rritur për 5.3%.

Nëse nuk merren parasysh efektet sezonale (punësimi i shtuar në fusha të caktuara), sipas Sekretariatit Shtetëror për Ekonomi (Seco) kemi një ngritje të vogël të papunësisë, prej 0.3% në krahasim me qershorin.
Ndërkaq, gjatë korriku ka pasur një rritje të ndjeshme të papunësisë së të rinjve.

Sipas Seco-s, gjatë këtij muaji ishin regjistruar 8.4% më shumë të rinj nga mosha 15-24 vjeçare si të papunë krahasuar me muajin paraprak. Eedhe në krahasim me muajin korrik të vitit 2014 ka pasur një rritje prej 3.2%.

Në të njëjtën kohë janë regjistruar më pak vende të lira pune. Në të gjitha qendrat regjionale të punësimit (RAV) janë paraqitur 10.352 vende të lira pune ose 1135 më pak se një muaj më parë. Ndërsa krahasuar me korrikun e një viti më parë, numri i vendeve të lira të punës është zvogëluar për një të pestën.