KQZ certifikon rezultatet e zgjedhjeve të 28 dhjetorit 2025

Komisioni Qendror i Zgjedhjeve ka certifikuar sot rezultatet përfundimtare të zgjedhjeve të parakohshme parlamentare të mbajtura më 28 dhjetor 2025. Ky hap vjen pas përfundimit të të gjitha afateve ligjore për paraqitjen e ankesave nga partitë politike dhe kandidatët.

Certifikimi i rezultateve ndjek shpalljen e rezultateve përfundimtare nga KQZ-ja në dhjetor dhe mbylljen e procedurave për shqyrtimin e ankesa të mundshme.

Sipas rezultateve të certifikuara:

Lëvizja Vetëvendosje renditet partia e parë me 51.10% të votave, duke fituar 57 ulëse në Kuvendin e Kosovës.

Partia Demokratike e Kosovës siguron 20.19% të votave, që përkthehet në 22 mandate.

Lidhja Demokratike e Kosovës merr 13.24% të votave, përkatësisht 15 ulëse.

Aleanca për Ardhmërinë e Kosovës arrin 5.50% të votave, duke fituar 6 mandate parlamentare.

Me certifikimin e rezultateve, tani hapet rruga për formimin e legjislaturës së re të Kuvendit të Kosovës.