Nga korriku: Disa nga produktet ushqimore do të jenë më të lira në Austri

Qeveria austriake ka vendos për ulje të taksave për disa produkte ushqimore

Duke filluar nga 1 korriku 2026, disa produkte të ushqimit elementar dhe të përditshëm në të gjitha supermarketet në Austri do të jenë më të lira, kjo falë përgjysmimit të taksës mbi vlerën e shtuar (TVSH) nga vendimi i marr këto ditë nga qeveria austriake, raporton albinfo.at

TVSH-ja për disa produkte ushqimore bazë, në Austri do të jetë 4.9 përqind në vend të 10 përqind sa ishte deri me tash. Tani, ekziston një listë aktuale ku janë të shënuar edhe cilat produkte ushqimore do të lirohen për konsumatorët.

Siç tregojnë raportet e mediave austriake, ulja e TVSH-së do të zbatohet padyshim për produktet ushqimore të tilla si: produktet e qumështit, gjalpi, vezët dhe kosi disa produkte të pemëve dhe perimeve, bukës etj, njofton albinfo.at

Kjo masë e marr nga qeveria austriake eshtë mirëpritur nga qytetarët e saj, pasi vitin e kaluar ata përjetuan rritje enorme të çmimeve të produkteve ushqimore.

Në një njoftim për shtyp, partitë qeverisëse ÖVP, SPÖ dhe NEOS e përshkruan atë si “lehtësim për popullin” dhe “hapa efektivë kundër inflacionit”.

“Po e ulim taksën mbi produktet që blihen rregullisht nga të gjithë në Austri. Duke ulur TVSH-në mbi këto ushqime bazë, po ndërmarrim një hap tjetër të synuar për të lehtësuar barrën mbi familjet dhe për të frenuar inflacionin”, shpjegon Sekretarja e Shtetit për Mbrojtjen e Konsumatorit Ulrike Königsberger-Ludwig. /Albinfo.at

---