Kosova bën kërkesë për pranim në UNESCO

Kosova, shteti më i ri i Evropës,këtë javë ka parashtruar kërkesë zyrtare për pranim në UNESCO. Kërkesa ka shkaktuar indinjatë në Serbi

Ministri i Jashtëm kosovar, Hashim Thaçi, pret që pranimi i vendit të tij në UNESCO të nodhë në tetor. Prishtina, e cila ka shpallur pavarësinë e saj me 2008, është njohur deri tash nga më shumë se 100 shtete anëtare të Kombeve të Bashkuara, po nuk është ende anëtare e OKB-së. Beogradi refuzon edhe më tej ta njohë pavarësinë e ish- krahinës së saj jugore.

Sipas njoftimeve të medieve serbe të së shtunës Serbia do ta kundërshtojë pranimin eventual të Kosovës në UNSECO, transmeton albinfo.ch.

„Aprovimi i kërkesës së Kosovës për pranim në UNESCO nuk do të ishte vetëm cenim i Rezolutës 1244 (të qershorit 1999) të Këshillit të Sigurimit, por do të ndikonte jashtëzakonisht negativisht edhe në dialogun mes Beogradit dhe Prishtinës në Bruksel“,bënte të ditur Ministria e Punëve të Jashtme në përgjigje të një pyetje të parashtruar nga e përditshmja „Politika“.

Dialogu i udhëhequr nga BE-ja ka për qëllim normalizimin e marrëdhënieve  reciproke. Rezoluta 1244 ende në fuqi e OKB-së e konsideron Kosovën si pjesë të Serbisë. Vetoja  e Rusisë para disa vitesh e pengoi ndryshimin e saj.

Greqia ofron ndihmë

Kërkesa e Prishtinës pasoi, siç bëjnë të ditura mediet në Beograd, pas vizitës se Ministritt ë Punëve të Jashtme të Greqisë, Nikos Kotzias, në Kosovë. Ai me këtë rast bëri të njohur gatishmërinë e përkrahjes së vendit të tij anätarësimit të Kosovës në organizatat ndërkombëtare.

Tri manastire mesjetare ortodokse serbe në Pejë, Graçanicë dhe Deçan dhe një kishë në Prizren janë pjesë e trashëgimisë botërore të UNESCO-s.

T’ju besohet ruajtja e qindra objekteve të shenjta serbe, të cilave pas luftës iu vu zjarri, politikanëve shqiptarë të dalë nga lufta do të ishte krim, mendon Marko Djuric, shef i Zyrës së Qeverisë së Serbisë për Kosovën në një prononcim të tij për gazetën „Blic“ të së shtunës.

Në bazë të njoftimeve të mëhershme të medieve, kancelarja gjermane, Angela Merke,l do të kërkonte nga politikanët serbë që brenda një afati të caktuar të mos kundërshtojnë më pranimin e Kosovës  në OKB.

derStadard.at, përkthimi për Albinfo.ch : Nexhmedin Gërguri