Asllani nominohet për mesfushoren më të mirë në Suedi

Kosovare Asllani nominohet për çmimin e mesfushores më të mirë në Suedi

Federata Suedeze e Futbollit ka publikuar listën e të nominuarve për çmimet e më të mirëve të vitit 2025 në futbollin suedez, ku pjesë e listës është edhe futbollistja me origjinë shqiptare Kosovare Asllani, përcjell albinfo.ch.

Asllani është nominuar në kategorinë mesfushorja më e mirë, duke konfirmuar edhe një herë formën e saj të lartë në arenën ndërkombëtare.

Ylli i futbollit suedez mban rolin e kapitenes së Suedisë, ndërsa është një nga figurat kryesore edhe te skuadra angleze London City Lionesses, ku ka dhënë kontribut të rëndësishëm gjatë sezonit.

Fituesit e çmimeve pritet të shpallen më vonë gjatë këtij muaji.

---