Krimi i organizuar i makinave, të rinjtë francezë kryejnë vjedhje në garazhet zvicerane

Raportohen 180 raste. BMW dhe makinat luksoze, synimi i vjedhësve nga Franca në Zvicër

Vjedhja e makinave luksoze po bëhet gjithnjë e më e zakonshme edhe në Zvicër, sipas një hulumtimi të programit “10 vor 10”. Shpesh pas këtyre krimeve qëndrojnë të rinj nga Franca, të cilët veprojnë për llogari të grupeve kriminale dhe kalojnë kufirin për të kryer vjedhjet, përcjell albinfo.ch.

Sipas Zyrës Federale të Policisë (Fedpol), vetëm gjatë këtij viti janë raportuar 180 raste të tilla. Një nga incidentet e fundit ndodhi në Oberentfelden, kantoni Aargau, ku dy të rinj francezë hynë në garazhin e një tregtari makinash, vodhën dy BMW dhe më pas përplasen gjatë tentativës për t’u arratisur nga policia. Autorët, 17 dhe 19 vjeç, u arrestuan menjëherë nga autoritetet.

Fedpol thekson se ky nuk është një rast i izoluar, duke treguar se krimi i organizuar po synon gjithnjë e më shumë automjetet luksoze në territorin zviceran.

https://www.srf.ch/news/schweiz/fedpol-meldet-180-faelle-autodiebe-aus-frankreich-steigen-in-schweizer-garagen-ein

---