Çdo i 20-i person vdes nga kanceri i mushkërive në Zvicër

Sëmundjet kardiovaskulare, kanceri si dhe çmenduria, janë arsyet e vdekjeve në Zvicër. Mbi 3000 persona kanë vdekur nga kanceri i mushkërive në vition 2014. 46% e meshkujve dhe 67% e femrave kishin 80 vjet ose më shumë në momentin e ndërrimit të jetës. Këto janë rezultatet kryesore të arsyeve të vdekjes të etabluara nga Zyra Federale e Statistikës.

Popullata rezidente në Zvicër ka regjistruar 64.961 raste vdekjesh në vitin 2013. Numri i personave që arrijnë moshën 80 e më tepër mbërrin në 39.604 persona. Ka vite që probabiliteti i vdekshmërisë është ulur dukshëm te personat mbi 19 vjeç.

Sa u përket sëmundjeve që kanë shkaktuar vdekjen, në krye janë sëmundjet kardiovaskulare me 21.512 persona, ose një e treta e numrit të tërësishëm të të vdekurve gjatë vitit në fjalë. Vlen të theksohet se numri i personave që kanë humbur jetën shkaku i këtyre sëmundjeve ka rënë nga 41% më 1995, në 33% më 2013.

Sa i përket kancerit të mushkërive, albinfo.ch mëson nga statistikat federale se përqindja e vdekshmërisë shkaku i kësaj sëmundje është më e lartë te të huajt (9.21%) se te shtetasit zviceranë (5.88%).

Albinfo.ch konstaton po ashtu se një arsye tjetër e vdekshmërisë zë një vend të neglizhueshëm me 6% të vdekjeve te vendësit zviceranë, ajo e çmendurisë, që zakonisht prek personat e moshuar. Kjo sëmundje prek më pak popullatën e huaj në Zvicër, ose 3.8%. Kjo po ashtu lë të kuptohet se jetëgjatësia te të huajt është më e shkurtër se ajo e vendësve.