Rita Ora shkëlqen në Javën e Modës

Këngëtarja shqiptare me famë botërore, Rita Ora, tërhoqi të gjitha vëmendjet në Paris, gjatë një mbrëmjeje në restorantin Le Costes, pjesë e Javës së Modës. Ajo u shfaq me një fustan të bardhë midi me dekolte dhe prerje transparente, të kombinuar me taka të larta dhe një pallto të zezë, përcjell albinfo.ch.

Kjo paraqitje glamuroze vjen pas përfundimit të suksesshëm të një beteje ligjore me fqinjët e saj në Londër, të cilët kundërshtonin ndërtimin e një palestre moderne në kopshtin e vilës së saj luksoze prej 7.5 milionë funtesh. Vendimi gjyqësor i dha Ritës mundësinë të vazhdojë planet pa pengesa, ndërsa eleganca e saj në Paris tregon kombinimin e suksesit profesional me stilin dhe guximin personal.