Bankat gjigante në Zvicër me detyrim të ri për filialet jashtë vendit

(KEYSTONE/Michael Buholzer).

Këshilli Federal i Zvicrës, në mbledhjen e tij më 26 shtator 2025, ka hapur konsultimin publik për ndryshimin e Ligjit për Bankat dhe Rregullores mbi kapitalin vetjak. Masa e re parasheh që bankat sistemikisht të rëndësishme të mbulojnë plotësisht me kapital vetjak pjesëmarrjet e tyre në filialet jashtë vendit.

Aktualisht, bankat duhet ta bëjnë këtë vetëm pjesërisht, çka rrezikon kapitalin e degës kryesore në Zvicër në rast humbjesh të filialeve. Me ndryshimin e propozuar, humbjet e jashtme nuk do të ndikojnë drejtpërdrejt në kapitalin e bankës mëmë.

Rregulli do të hyjë gradualisht në fuqi gjatë shtatë viteve, duke nisur me 65% në momentin e hyrjes në fuqi dhe duke u rritur çdo vit me 5% deri në 100%. Nga kjo masë preket kryesisht UBS, e cila do të detyrohet të forcojë ndjeshëm kapitalin e saj në Zvicër.

Këshilli Federal, SNB dhe FINMA e konsiderojnë këtë hap vendimtar për forcimin e stabilitetit financiar dhe për mbrojtjen e klientëve dhe kreditorëve në Zvicër. Konsultimi publik do të zgjasë deri më 9 janar 2026.

Më shumë info:news.admin.ch