Gjermania nuk e njeh ende Palestinën, ndryshe nga aleatët perëndimorë

@unsplash

Gjermania ka refuzuar të ndjekë shembullin e disa aleatëve perëndimorë në njohjen e shtetit palestinez, duke theksuar se nuk ka ardhur ende koha për një hap të tillë.

Zëdhënësi i qeverisë gjermane, Sebastian Hille, deklaroi se “njohja e Palestinës është një nga hapat përfundimtarë në procesin drejt zgjidhjes me dy shtete”, por kjo duhet të ndodhë vetëm në fund të procesit politik.

Britania, Kanadaja, Australia dhe Portugalia dhe së fundi edhe Franca kanë shpallur njohjen zyrtare të Palestinës. Pritet që edhe Belgjika të bëjë të njëjtën gjë gjatë një konference në Nju Jork, në prag të Asamblesë së Përgjithshme të OKB-së.

Ministri i Jashtëm gjerman, Johann Wadephul, përpara nisjes për në Nju Jork, theksoi se megjithëse Berlini nuk është gati të njohë Palestinën, procesi për zgjidhjen me dy shtete “duhet të nisë tani”. Ai shtoi se përparësitë e menjëhershme janë armëpushimi, ndihmat humanitare për Gazën dhe lirimi i pakushtëzuar i pengjeve.

Ky qëndrim tregon se Gjermania preferon një qasje graduale dhe diplomatike, duke u përqendruar në stabilitetin dhe zgjidhjet praktike para se të bëjë njohje formale.