Gati 1.5 milionë të huaj punojnë në Zvicër

Numri i të punësuarve ka rënë nën pesë milionë në Zvicër. Megjithatë, numri i të papunëve ka shënuar rënie.

Në Zvicër është raportuar të jenë të punësuar një total prej 4.972.000 personave në bazë të rezultateve nga tremujori i parë i 2015-ës. Thuhet të jetë 2.8 për qind më shumë se në të njëjtën periudhë të vitit të kaluar, sipas një vlerësimi të Entit Federal të Statistikave (FSO).

Numri i njerëzve të punësuar u rrit me 1.7 për qind. Krahasuar me tremujorin e kaluar, numri i të punësuarve ka rënë. Në tremujorin e katërt të vitit 2014, për herë të parë ka kaluar pragu prej 5 milionë punëtorëve.

Statistikat gjithashtu flasin se në mes të tremujorit të parë të vitit 2014 dhe tremujorin e parë të vitit 2015 numri i punëtorëve të huaj është rritur më shumë se i punëtorëve zviceranë (të huajt: 4.5 për qind në 1.483.000; zviceranë: 2.1 për qind në 3.489.000.)

Në të njëjtën periudhë të 2015-ës janë raportuar 212.000 njerëz që kanë qenë të papunë në Zvicër, siç përcaktohet nga Zyra Ndërkombëtare e Punës (ILO).

Shkalla përkatëse e regjistruar në krahasim me tremujorin e parë të vitit 2014 thuhet të ketë një rënie nga 4.8 në 4.4 për qind. Kështu, zhvillimi në Zvicër është i krahasueshëm me atë në Evropë, ku norma e papunësisë ka rënë gjithashtu nga 11.0 në 10.2 për qind.

Gjithashtu në përputhje me zhvillimin në Evropë, papunësia e të rinjve (15 deri 24 vjeçarët) sipas ILO-s ka rënë nga 9.3 për qind në 7.5 për qind në Zvicër.

E pandryshuar brenda një viti mbetet numri i të papunëve afatgjatë. Deri në tremujorin e parë të 2015-ës vazhdon të jetë numri i tyre 81.000. Përqindja afatgjatë e të papunëve megjithatë u ngrit nga 35.8 në 38.3 për qind.