Riola Xhemaili beson në rikthimin e Zvicrës

“Ne kemi dëshmuar se mund t’ia dalim. 100 për qind mund të arrijmë fitore ndaj Islandës”, ka thënë 22-vjeçarja

Zvicra e nisi me humbje, Evropianin, që po organizohet pikërisht në vendin e saj.

Futbollistja shqiptare, Riola Xhemaili startoi te Zvicra në sulm dhe luajti deri në minutën e 63-të. Ajo u vlerësua me notën 4, nga 6 sa është maksimalja. Paraqitja e saj ishte solide.

“Zhagitja e lojës nga norvegjezet ishte pak e mërzitshme”, ka thënë Riola Xhemaili për “20 Minuten”, transmeton albinfo.ch.

“Ishin shpesh të shtrira. Ne duam të luajmë lojë atraktive dhe jo të jemi të shtrira në fushë çdo dy minuta. Por në rregull, nuk ka shumë për të bërë për këtë”, shtoi tutje ajo.

Ndeshja e ardhshme do të jetë ndaj Islandës.

“Ne kemi dëshmuar se mund t’ia dalim. 100 për qind mund të arrijmë fitore ndaj Islandës”, ka thënë 22-vjeçarja.

---