Milan-Leverkusen, sot kontakte direkte për transferimin e Xhakës

Është serioze, shkon oferta e parë për Granit Xhakën nga AC Milan

Mesfushori i Kombëtares së Zvicrës, Granit Xhaka mund të luajë në Serie A në sezonin e ri 2025/26, përcjell albinfo.ch.

Xhaka ka marrë ofertën e parë serioze nga Milan dhe tashmë kanë filluar bisedimet mes tij dhe drejtorit sportiv, Igli Tare.

Nuk dihet se cila ka qenë oferta e parë drejtuar Leverkusenit për mesfushorin shqiptar, por ajo që bëhet e ditur është fakti që Xhaka tashmë është i tërhequr me projektin e ri të klubit “kuqezi”.

Granit Xhaka zhvilloi dy super sezone me Bayer Leverkusenin, ku edhe u shpall kampion i Bundesligas pa pësuar humbje, me një rekord të pabesueshëm.

Por ndryshimet që janë bërë në skuadrën gjermane, si largimi i yjeve dhe trajnerit Xabi Alonos,  mund ta shty edhe Xhakën ta lë stadiumin “BayArena”.

Xhaka do ishte i lumtur të luante përkrah Luka Modricit, i cili flitet se do t’i bashkohet ekipit të Milanit pas përfundimit të ndeshjeve në Kupën e Botës për Klube.

https://x.com/WhistleNinety/status/1935950887559872878?ref_src=twsrc%5Etfw%7Ctwcamp%5Etweetembed%7Ctwterm%5E1935950887559872878%7Ctwgr%5E40da34ea6775dbce7c0241cbe7bb0fa20c7ea023%7Ctwcon%5Es1_&ref_url=https%3A%2F%2Findeksonline.net%2Feshte-serioze-shkon-oferta-e-pare-per-granit-xhaken-nga-ac-milan%2F

---