Ardon Jashari mund të transferohet te AC Milan për plot 35 milionë euro

Jashari drejt klubit të madh italian për 35 milionë euro

Bëhet e ditur se Ardon Jashari mund të transferohet te AC Milan për plot 35 milionë euro. Bisedimet vendimtare me drejtorin sportiv të Milanit, Igli Tare, do të zhvillohen sot, ka njoftuar “Blick”, përcjell albinfo.ch.

Gazetarë të ndryshëm italianë kanë njoftuar se 22-vjeçari Jashari është në krye të listës së dëshirave të Milanit. Aktualisht, oferta e Milanit dhe kërkesa e Club Brugge dallon për pesë milionë euro.

Jashari ka kontratë me fituesin e Kupës së Belgjikës deri në vitin 2029.Ai u shpall lojtari më i mirë i kampionatit belg. Po ashtu shkëlqeu në ndeshjen e fundit të Zvicrës ndaj SHBA-së.

---