Futboll

Kololli, më i mirë i javës në Zvicër

Për Benjamin Kolollin është hera e parë këtë edicion që shpallet më i miri i javës

E mërkurë, 21 Maj 2025 - 10:20 albinfo.ch
(KEYSTONE/Cyril Zingaro)

Futbollisti nga Kosova, Benjamin Kololli, është shpallur futbollisti më i mirë i xhiros së 37-të të Superligës së Zvicrës në futboll.

Për Kolollin, është hera e parë këtë edicion që shpallet më i miri i javës, sipas faqes zyrtare të Superligës Zvicerane të Futbollit, përcjell albinfo.ch.

Kololli shkëlqeu të shtunën në fitoren 2:1 të Sionit ndaj Grasshopperit. Të dy golat e Sionit i realizoi Kololli.

33-vjeçari Kololli, në 22 ndeshjet e edicionit aktual, ka realizuar dhjetë gola dhe ka bërë katër asistime.

Ai është prej lojtarëve më në formë te Sioni. Kololli te Sioni u transferua në afatin kalimtar të janarit nga Baseli.

 

 Të tjera nga Futboll

Edon Zhegrova ende jo në formën maksimale tek Juventus, por Spalletti është bindur nga paraqitjet e tij

 E-Diaspora

 Jeta në Austri