Gjermani: Dënim i përjetshëm për vrasjen e boksierit Besar Nimani

Në Bielefeld është denuar sot me burgim të përjetshëm 34-vjeçari Hüseyin

Bëhet e ditur se 34-vjeçari Hüseyin A. është dënuar me burgim të përjetshëm për vrasjen e ish-boksierit profesionist Besar Nimani, përcjell albinfo.ch.

Ai dhe një person tjetër, ende i pakapur, e qëlluan me pabesi Nimanin më 9 mars 2024, në Bielefeld, thuhet në vendimin e shpallur dje nga Gjykata Rajonale e Bielefeldit.

Sipas gjykatës, të dy autorët kishin përgatitur së bashku një plan dhe e qëlluan Nimanin me qëllim për ta vrarë.

Vlen të theksohet se vrasja u krye me 16 plumba, të shtënë nga Hüseyin A. dhe bashkëpunëtori i tij, i cili ende është në arrati.

Boksieri vdiq në vendngjarje. Autori i dytë vazhdon të jetë në kërkim.

---