Ministria e Diasporës subvencionon projektet 500 – 5000 €

Ministria e Diaspores fton për projekt propozime te cilat do të subvencionohen në vlerë prej 500 (pesë qind) deri në 5 000 (pesë mijë) euro

Ministria e Diasporës ka bërë të ditur se ka hapur thirrjen për aplikimin e projekteve që kanë të bëjnë me ruajtjen dhe kultivimin e identitetit kombëtar, gjuhësor, kulturor e arsimor të pjesëtarëve të diasporës dhe mërgatës, si dh nxitjen e investimeve të tyre në Kosovë.

“Duke u mbështetur në nenin 4 të Ligjit nr.04/L-095 të Diasporës dhe Mërgatës; Rregulloren nr. 01/2014 për Kriteret dhe Mënyrën e Subvencionimit të Projekteve për Diasporën dhe Mërgatën, me qëllim të përkrahjes së projekteve lidhur me promovimin, ruajtjen, kultivimin e identitetit kulturor, gjuhësor dhe arsimor të mërgimtarëve për vitin 2015; në pajtim me politikat programore, Ministria e Diasporës shpall ftesë për projekt propozime”, thuhet në njoftimin zyrtarë të Ministrisë së Diasporës, informon “albinfo.ch”

Sipas këtij njoftimi, të drejtë aplikimi kanë OJQ-të, individët dhe format e tjera të organizimit me natyrë jofitimprurëse, ndërsa përparësi kanë projektet e përbashkëta të aplikuesve nga diaspora dhe të atyre vendës, si dhe projektet e propozuara nga gratë/vajzat.

Projektet subvencionohen në vlerë prej 500 (pesë qind) deri në 5 000 (pesë mijë) euro.

Afati për dorëzimin e projekt propozimeve është 30 ditë, nga dita e shpalljes së ftesës publike: nga data 30 prill deri më 30 maj 2015, në orën 16:00.

Për më shumë mund të shihni linkun në vijim:
http://med.rks-gov.net/med/ftese-per-projektpropozime/