Puna në të zezë, më shumë kontrolle në Zvicër

Ilustrim

Zyra Federale për kontroll financiar (EFK) rekomandon kontrolle më të rrepta kundër atyre që bëjnë punë të zezë në Zvicër.

Puna e padeklaruar ndikon veçanërisht në tregun e punës, thuhet në një raport të tyre.
Kontrollorët financiarë propozojnë që kantonet t’i kombinojnë masat e tyre kundër punës së padeklaruar dhe kundër nivelin të ulët të pagave (dumping). Kështu do të mund të merren masa më efikase kundër kompanive dhe punëtorëve.

Sipas raportit në fjalë, ekzistojnë dallime të mëdha në mes të kantoneve sa i përket sanksioneve që merren ndaj atyre që punojnë në të zezë. Dënimet mund të sjellin largimin nga puna dhe gjoba deri në një maksimum prej 5000 frangash. Tashmë po diskutohet për rritjen e këtij pragu deri në 30 mijë franga.

Efektiviteti i sanksioneve ndryshon, sipas EFK-së, por në masë të madhe ka dallime nga kantoni në kanton.