600 vjet të pushtimit të Kantonit Aargau nga Federata Zvicerane

Keystone

Kantoni Aargau shënon solemnisht sot 600 vjetorin e “pushtimit” nga Berna, gjegjësisht nga forcat ushtarake të shtetit federal i Zvicrës.

Përvjetori shënohet me një solemnitet në kishën e qytetit të Zofingenit ndërsa të gjitha aktivitetet festive mbahen nën moton “Die Eidgenossen kommen!” (Aleatët po vijnë).

Në histori është shënuar se më 18 prill të vitit 1415 Berna kishte sulmuar qytetin Zofingen që atëbotë ishte nën sundimin e Habsburgëve, duke e rrethuar atë. Kështu Zofingeni duke e parë epërsinë e madhe të forcave sulmuese i ishte dorëzuar Bernës pa luftë.

Ky pushtim nga Berna ose bashkim i Kantonit Aargau me Federatën e Zvicrës është fillim i një epoke të re për kantonin dhe për Zvicrën.