Tre vrasësve të Enver Hadrit u konfirmohet dënimi i përjetshëm

Gjykata e Lartë në Bruksel ka konfirmuar dënimin me burgim të përjetshëm për tre autorët e vrasjes së Enver Hadrit.

Të martën, Veselin Vukotiq dhe Andrija Drashkoviq u shpallën fajtorë për ekzekutimin dhe Bozhidar Spaciq u shpall fajtor për urdhërimin e tij.

Enver Hadri, kryetar i Komitetit për Mbrojtjen e të Drejtave të Njeriut në Kosovë, u vra në veturën e tij ndërsa ishte ndalur në semaforin e kuq në Saint-Gilles më 25 shkurt 1990.

Gjyqtarët dhe të dymbëdhjetë juristët nuk kanë dhënë asnjë rrethanë lehtësuese për tre të dënuarit.

Më 25 shkurt 1990, rreth orës 16:00, Enver Hadri ishte në timonin e makinës së tij, ndaloi në semafor të kuq, kur pranë tij u ndal një automjet tjetër.

Dritarja e pasagjerit të këtij automjeti është ulur dhe kanë qëlluar, sipas disa dëshmitarëve. Enver Hadri, 49 vjeç, u godit nga një plumb në kokë dhe vdiq.

Hetimi, i cili zgjati disa vite, arriti në përfundimin se ishte një atentat politik, i urdhëruar nga shërbimet inteligjente të ish-Jugosllavisë, me ndihmën logjistike të botës së krimit të Beogradit.

Bozhidar Spasiq, që besohet të ketë organizuar vrasjen e zotit Hadri, ishte pjesë e UDB-së që nga viti 1979 e deri më 1993./The Brussels Time