Rritje e moshës mesatare të popullsisë së Kosovës

Të enjten, Agjencia e Statistikave të Kosovës ka publikuar të dhënat për numrin e përgjithshëm të banorëve rezident në Kosovë që rezulton të jetë 1,602,515.

Mosha mesatare e popullsisë së Kosovës është rritur në 34.84 vjeç nga 29.97 vjeç sa ishte në vitin 2011.

Në vend jetojnë 107,710 fëmijë të moshës 0-4 vjeç, 117,272 fëmijë të moshës 5-9 vjeç, 123,022 pre-adoleshentë, 122,613 adoleshentë, 134,270 të rinj, 113,474 persona të moshës 25-29 vjeç, 109,335 persona të moshës 30-34 vjeç, 103,883 persona të moshës 35-39 vjeç, 103,224 të moshës 40-44 vjeç, 105,345 të moshës 45-49 vjeç, 100,167 të moshës 50-54 vjeç, 91,084 të moshës 55-59 vjeç, 80,292 të moshës 60-64 vjeç dhe 173,875 persona me moshën mbi 65 vjeç.

Bazuar në statistikat e ASK-së del se Kosova ka më pak banorë rezidentë të grupmoshave më të reja deri në 45 vjeç dhe ka dukshëm më pak fëmijë apo lindje.

Në Kosovë jetojnë 50 persona të moshës mbi 100 vjeç, 41 janë të gjinisë femërore dhe 9 janë meshkuj.