Aterrim emergjent i aeroplanit të Germanwings

Sipas “Germanwings” ky ka qenë vetëm një aterrim “manovrues” ndërkohë që në aeroport flasin për aterrim “emergjent” ose të detyruar

foto ilustrim

Një aeroplan (Airbus) i kompanisë Germanwings ka bërë një aterrim të detyruar në Aeroportin e Shtutgartit. Ishte duke fluturuar nga Aeroporti Köln-Bonn drejt Vendeikut kur fluturakja e madhe “Airbus 319” kishte filluar ta humbiste karburantin gjë që detyroi pilotin të aterronte në mënyrë të paplanifikuar në Shtutgart.

Siç bën të ditur një udhëheqës i aeroportit për mediet gjerman, askush nuk ka pësuar nga ky aterrim. 123 pasagjerët dhe 5 pjesëtarët e stafit e kanë lëshuar aeroplanin në rrugë normale.

Sipas “Germanwings” ky ka qenë vetëm një aterrim “manovrues” ndërkohë që në aeroport flasin për aterrim “emergjent” ose të detyruar. Dallimi në mes të këtyre dy situatave konsiston në atë që aterrimi “emergjent” nënkupton rrezikun për jetën e pasagjerëve, thonë ekspertët për mediet gjermane, transmeton albinfo.ch. Por përfaqësues të German Airwings thonë se bëhej fjalë thjesht për një “proc edurë standarde të sigurisë”.

Pasagjerët janë transportuar me një aeroplan tjetër drejt Venedikut.