Rrahje në mes tinejxherëve kosovarë dhe zviceranë: 4 të lënduar

Në Pratteln, kantoni Basel-Land rreth mesnatës në mes të të enjtes dhe të premtes ka ndodhru një zënkë asive në mes të dy grupeve me ç`rast janë përdorur edhe thikat. Katër persona kanë pësuar plagë, njofton policia në një komunikatë të saj dhe transmeton albinfo.ch.

Sipas njohurive të deritashme, për shkaqe të panjohura kanë rënë në konflikt një grup të rinjsh kosovarë me grupin tjetër të përbërë nga zviceranë. Njëri nga këto grupe kishte planifikuar të festonte një ditëlindje në një lokal ndërsa grupi tjetër i pengonte. Më tutje ka filluar një konflikt i cili është përshkallëzuar me ç`rast është përdorur së paku një thikë dhe mjete tjera dhune.

Pas kësaj, njëri grup ka ikur nga vendi i ngjarjes. Gjithsej katër veta, të moshave 14 deri 17 vjeçare kanë marrë plage dhe është dashur të trajtohen në spital.

Në bazë të hetimeve të para të zhvilluara nga policia, qysh të premten është ndaluar njëri nga të dyshuarit për ushtrim dhune. Fjala është për një zvicean 19 vjeçar me banim në Kantonin e Bernës. Ai po mbahet nga policia për hetime të mëtutjshme. Prokuroria Basel-Landschaft ka ngritur kallëzim penal ndaj tij dhe ai do t`i dorëzohet gjykatës hetimore.