Kosova

Gjykata Speciale: Mbahet seanca fillestare për Hajerdin Kuçin dhe Isni Kilajn

E hënë, 9 Dhjetor 2024 - 8:40 albinfo.ch

The capitals of the EU : The Hague

Në orën 10:00 këtë të hënë nis seanca fillestare në Gjykatën Speciale për ish-ministrin e Drejtësisë së Kosovës, Hajredin Kuçi, e nga ora 11:00 nis ajo për ish-kryetarin e Malishevës, Isni Kilaj.

Ata akuzohen për ndikimin mbi dëshmitarët, bashkë me ish-presidentin e Kosovës, Hashim Thaçi, ish-udhëheqësin e Agjencisë së Kosovës për Inteligjencë, Bashkim Smakaj dhe veterani i Ushtrisë Çlirimtare të Kosovës, Fadil Fazliu.

Dje, ish-presidenti i Kosovës, Hashim Thaçi, dhe ish-udhëheqësi i Agjencisë së Kosovës për Inteligjencë, Bashkim Smakaj, nuk janë deklaruar rreth aktakuzës së ngritur ndaj tyre për ndikimin mbi dëshmitarët. Ndërkaq, veterani i Ushtrisë Çlirimtare të Kosovës, Fadil Fazliu, është deklaruar i pafajshëm.