Një pasagjer i fluturimit Gjenevë – Prishtinë grushton stjuardesën

Easy Jet ka konfirmuar se aeroplani ka zbritur dhunshëm në Romë, ndërsa udhëtarët kanë fluturuar pasdite për në Prishtinë

Të gjitha mediat zvicerane janë marrë me incidentin që ndodhi në fluturimin e kompanisë EasyJet nga Gjeneva për në Prishtinë, i cili ishte nisur të martën në mëngjes rreth orës 9:40. Aeroplani në fjalë ka aterruar dhunshëm  në Romë.

Pasagjerët do të niseshin rreth ores 17:30 për të mbërritur në Kosovë rreth ores 18:45, tregonin informatat rreth fluturimit.

Ekuipazhi ishte viktimë e një pasagjeri të rrezikshëm.

Personi, rreth të katërdhjetave, ka humbur kontrollin ndaj një stjuardese, sepse mendonte që stafi i avionit ia kishte vonuar sendviqin që e kishte porositur, raportojnë mediet zvicerane për rastin.

Personi në fjalë e ka grushtuar dhe, edhe pas rënies së saj në tokë nuk i ka ndalur grushtat, sipas një udhëtareje, e cila citohet nga “20min”.

Policia italiane ka marrë në pyetje sulmuesin që, sipas medieve të Prishtinës, është nga Kosova, posa ka ateruar avioni në aeroportin e Romës. Ai tashmë është lëshuar.

Easy Jet ka konfirmuar se aeroplani ka zbritur dhunshëm në Romë, ndërsa udhëtarët kanë fluturuar pasdite për në Prishtinë.

Një video nga aeroplani është publikuar nga mediat në Prishtinë.