Trumpi takohet me shefin e NATO-s, për herë të parë që nga fitimi i zgjedhjeve

Kreu i NATO-s, Mark Rutte, zhvilloi një takim me presidentin e zgjedhur të SHBA-së, Donald Trump, në Florida, ku u bisedua për “çështjet e sigurisë globale që po përballet aleanca”, përcjell albinfo.ch.

Takimi u zhvillua të premten në Palm Beach, tha Farah Dakhlallah, zëdhënësja e NATO-s, Farah Dakhlallah, në një deklaratë.

Gjatë mandatit të tij të parë, Trumpi ushtroi presion të fortë mbi Evropën për të rritur shpenzimet për mbrojtje dhe vuri në dyshim drejtësinë e aleancës transatlantike të NATO-s.

Ish-kryeministri holandez kishte thënë se dëshironte të takohej me Trumpin dy ditë pas zgjedhjes së tij më 5 nëntor, për të diskutuar rrezikun nga përshkallëzimi i konflikteve rajonale.