Ukraina sulmon për herë të parë me raketat britanike Storm Shadow, godet bunkerët e Putinit në Kursk

Keystone (AP Photo/Efrem Lukatsky)

Ukraina sot ka goditur për herë të parë Rusinë me raketat britanike Storm Shadow. Sipas raportimeve, një video e sulmeve me raketa është filmuar pranë pronës historike të familjes Baratynsky, e cila tani shërben si sanatorium nën kontrollin e administratës presidenciale ruse.

Objekti i sulmuar përshkruhet si një “qendër komunikimi” ndërsa videoja supozohet se tregon momentin e sulmit me Storm Shadow, transmeton albinfo.ch.

https://x.com/nexta_tv/status/1859257710002290925

“Sipas të gjitha gjasave, nuk bëhet fjalë vetëm për një strukturë të zakonshme komunikimi, por për një post komandimi nëntokësor. Duke marrë parasysh afërsinë e sanatoriumit, është shumë e mundur që ai të përdorej nga komandat e forcave ruse në rajonin e Kurskut. Dhe duke qenë se trupa nga Koreja e Veriut operojnë aty, ka gjasa që edhe gjeneralë koreanoveriorë të jenë të pranishëm”, thuhet në njoftim.

Një strukturë e tillë justifikon përdorimin e një numri të konsiderueshëm të raketave Storm Shadow/SCALP, të cilat kanë një kokë luftarake prej 450 kg të krijuar posaçërisht për të shkatërruar objektiva të mbrojtura.