Kuqezinjtë vazhdojnë përgatitjet për sfidën ndaj Çekisë

Kombëtarja do të mbyllë të premten përgatitjet për ndeshjen e parë ndaj Çekisë

Kombëtarja shqiptare zhvilloi seancën e radhës stërvitore në “Shtëpinë e Futbollit”, në kuadër të përgatitjeve për dy ndeshjet e fundit të grupit B1 në UEFA Nations League ndaj Çekisë (16 nëntor, 20:45, “Air Albania”) dhe Ukrainës (19 nëntor, 20:45, “Air Albania”).

Me grupin u stërvitën edhe Jon Mersinaj dhe Adrian Bajrami që mbërritën të fundit në grumbullim, raporton FSHF, transmeton albinfo.ch.

Seanca nisi me punën në palestër, e më pas trajneri Silvinjo së bashku me ekipin zbritën në fushë për të bërë fillimisht përgatitje atletike. Tekniku kuqezi punoi edhe taktikisht me skuadrën.

Kombëtarja do të mbyllë të premten përgatitjet për ndeshjen e parë ndaj Çekisë.

---