Zvicra bllokon 30 milionë të një deputeti ukrainas

Zyra e Prokurorit të Përgjithshëm të Zvicrës ka hetuar rastin nën dyshimet për korrupsion dhe pastrim parash ndaj deputetit ukrainas, Mykola Martynenko. Ndërkohë janë bllokuar rreth 30 milionë franga zvicerane në “llogaritë e tij sekrete”, shkruan gazeta zvicerane “Le Matin Dimanche”.

Deputeti ukrainas, Mykola Martynenko, është “i dyshuar për mitmarrje në vlerë prej disa miliona frangash zvicerane në një nga llogaritë bankare private “‘Hottinger Cie”, e cila ka filiale në Gjenevë, Cyrih dhe Bazel.

“Prokurori Federal i Zvicrës është duke hetuar në lidhje me Martynenko, një anëtar i parlamentit dhe aleat i fuqishëm i presidentit të Ukrainës, Petro Poroshenko dhe i afërt me kryeministrin Arsenij Jacenjuk”, shtoi artikulli në “Le Matin Dimanche”.

Prokuroria Federale filloi një hetim më 15 gusht 2013 në lidhje me dyshimet për pastrim parash dhe korrupsion. Që atëherë, pavarësisht ankesave të përfaqësuesve ligjorë të Martynenkos, rreth 30 milionë franga mbeten të bllokuara në llogaritë bankare.

“Le Matin Dimanche” thotë se kjo punë është e ndjeshme për Zvicrën, sepse hetimi do të mund të dëmtojë qeverinë e Ukrainës”, ngase autoritetet zvicerane kanë tendencë për të “luajtur rolin e ndërmjetësuesit” në zgjidhjen e konfliktit në Ukrainë.