Gratë fitojnë më shumë në Slloveni se në Zvicër

Në Zvicër gratë fitojnë 20 për qind më pak se burrat. Situata më ndryshe është në Slloveni, ku dallimi është vetëm tre për qind, raporton korrespondenti i SRF-it për Evropën Juglindore, Walter Müller

Në fund të muajit gratë në Zvicër kanë fituar në kontot e tyre për një të pestën më pak sesa burrat. Për këtë dallim të pagave përmenden disa arsye. Përveç kësaj, gratë shpesh punojnë në orar të shkurtuar ose nuk fitojnë asgjë, nëse ato kujdesen në shtëpi për fëmijët e tyre. Një pjesë e dallimit në paga ishte rreth 20 për qind vetëm se janë gra.
Si të dhënave nga Eurostat-it, Zvicra figuron me një dallim në pagesa ndërmjet burrave dhe grave deri në 19,3 për qind (2013) në Evropë. Edhe më keq se në Zvicër është Gjermania (21,6 për qind). Ndërsa në Estoni hendeku i pagave ndërmjet burrave dhe grave sillet deri në 30 për qind.

Në Slloveni diferenca e pagave arrin në vetëm 3,2 për qind. Sllovenia ka mbajtur këtë politikë të barazisë pas shpërbërjes së Jugosllavisë, thotë korrespondenti i SRF-së për Evropën Juglindore, Walter Müller.
Ai po ashtu përmendi dy faktorë të tjerë që janë të favorshëm për paga të barabarta: pozita e fortë e sindikatave dhe, nga ana tjetër, përfqësimi i grave.