Swatch del me një orë që bën pagesat

Hayek është shprehur optimist lidhur me vitin afarist 2015, përkundër frangut të forcuar dhe faktit se koncerni i tij varet nga eksporti

Koncerni zviceran i orëve „Swatch“ do të nxjerrë në treg një orë dore me të cilën pronari i saj mund të bëjë edhe pagesën për blerjet në qendra tregtare. Por, për ta jetësuar këtë synim, Swatch-it i duhet bashkëpunim njërën nga bankat zvicerane dhe me një ndërmarrje që prodhon kredit-kartela, ka thënë sot shefi i koncernit, Nick Hayek, në një konferencë shtypi të mbajtur sot.

Ai me këtë rast ka shfaqur shpresën e tij se një orë e tillë do t`i hapë tregje të reja koncernit me seli në Biel/Bienne.

Hayek është shprehur optimist lidhur me vitin afarist 2015, përkundër frangut të forcuar dhe faktit se koncerni i tij varet nga eksporti. Ai pret edhe për këtë vit një rezultat të shkëlqyer afarist, sikur sa i përket qarkullimit ashtu dhe fitimit.