Presidentja Osmani: Sot një vit Afrim Bunjaku ra dëshmor, për të treguar edhe një herë se liria s’ka çmim

Presidentja e Kosovës, Vjosa Osmani, ka kujtuar heroin Afrim Bunjaku, në njëvjetorin e rënies së tij, përcjell albinfo.ch.

Osmani ka shkruar se Afrim Bunjaku ra dëshmor, për të treguar edhe një herë se kjo tokë është atdheu ynë i përjetshëm dhe, siç tha ajo, liria nuk ka çmim.

“Sot një vit Rreshteri Afrim Bunjaku ra dëshmor, për të treguar edhe një herë, siç kemi dëshmuar ndër shekuj, se kjo tokë është atdheu ynë i përjetshëm”.

“Se liria nuk ka çmim. Se Kosova është dhe do të mbetet e pandashme, e liria dhe kufijtë tanë të paprekshëm! Sot e përgjithmonë”, ka shkruar Osmani.