Mbi 100 franga dënimi për ata që hedhin mbeturina në publik

Për këtë Komisioni Mjedisor në Parlamentin e Zvicrës ka përgatitur një projektligj.

kKEYSTONE/Peter Klaunzer)

Të gjithë ata që hedhin ushqimin e mbetur apo cigaren pa kujdes në të ardhmen duhet të paguajnë një gjobë prej të paktën 100 franga.

Për këtë Komisioni Mjedisor në Parlamentin e Zvicrës ka përgatitur një projektligj.

Në disa kantone nëse hidhni pakujdesshëm mbeturinat do të dënoheni me gjoba administrative në mes të 40 deri 300 franga. Komisioni Mjedisor (UREK) dërgoi për konsultim amendamentet mbi Ligjin për Mbrojtjen e Mjedisit.

Dënimet për ndotjen e hapësirës publike duhet të mos jenë më pak se 100 franga, shkruan Urek në raportin e saj. Të rinjtë nën moshën 15-vjeçare nuk mund të dënohen, sipas Kodit Penal të të miturve.

Gjobat do t’i jepen drejtpërdrejt shkelësit aty ku kapen duke hedhur mbeturina në rrugë.