Zvicër: Ligji të përfshijë në mënyrë eksplicite mospërdorimin e dhunës ndaj fëmijëve

Dispozita e propozuar i detyron në mënyrë eksplicite prindërit që të rrisin fëmijët pa përdorimin e dhunës

Qeveria zvicerane dëshiron të sanksionojë në mënyrë eksplicite parimin e prindërimit jo të dhunshëm në ligj. Të premten ajo miratoi një dërgesë përkatëse për vëmendjen e parlamentit.

Dispozita e propozuar i detyron në mënyrë eksplicite prindërit që të rrisin fëmijët pa përdorimin e dhunës, tha qeveria të premten, transmeton albinfo.ch.

Sipas ligjit aktual, dhuna ndaj fëmijëve tashmë nuk lejohet në kuadrin e edukimit prindëror. Megjithatë, qeveria dhe parlamenti do të donin që parimi të përfshihej shprehimisht në ligj, shkruan swissinfo.

Sipas njoftimit, dispozita e re do të shërbente si model, teksa u tha se është një sinjal i qartë për shoqërinë: dhuna nga prindërit, përkatësisht ndëshkimi trupor dhe forma të tjera të trajtimit poshtërues të fëmijëve nuk do të tolerohen.

 

---