Zbulime arkeologjike në Suharekë, datojnë nga periudha e bronzit e hekurit

Ministria e Kulturës, Rinisë dhe Sportit në Kosovê ka njoftuar për zbulime të reja dhe të rëndësishme arkeologjike në lokalitetin e Hisarit në Suharekë.Gërmimet, të udhëhequra nga Instituti Arkeologjik i Kosovës, kanë sjellë prova të vazhdimësisë së popullsisë ilire-dardane nga periudha e bronzit dhe hekurit.

Ndër zbulimet më të rëndësishme janë disa kallëpe për prodhimin e stolive dhe enëve, të cilat dëshmojnë për një nivel të avancuar të zanateve të kohës.Këto gërmime kanë ndihmuar në pasurimin e të dhënave për kulturën e Eneolitit të vonë dhe për rolin e popullatave iliro-dardane në rajon. Ky lokalitet arkeologjik pritet të sjellë edhe më shumë informacione mbi periudhat e hershme historike të Kosovës.