Euro e dobët ndihmon gjermanët

Ekonomia gjermane është në gjendje të mirë në saje të euros së dobët, e cila duhet të ndihmojë eksportuesit

Prodhimi industrial gjerman në janar u rrit me 0,6 për qind, që është muaji i pestë me radhë në saje të aktiviteteve në ndërtimtari.
Siç komunikon Zyra Federale Gjermane e Statistikave, prodhimi industrial në dhjetor u rrit me një për qind, raporton AP.

Aktivitetet në ndërtimtari në janar janë rritur për pesë për qind, ndërsa prodhimi i mallrave të investimeve të tilla, si makina industriale, është rritur me 0,5 për qind.

Ekonomia gjermane është më e madhja në Evropë dhe është në gjendje të mirë në saje të tregut të fortë të brendshëm dhe një euro të dobët, e cila duhet të ndihmojë eksportuesit, thotë agjencia amerikane.