BE: Ukraina ka të drejtën legjitime për të goditur objektivat në Rusi

Keystone EPA/OLEG PETRASYUK

Zëdhënësi i Komisionit Evropian, Peter Stano, ka deklaruar se Ukraina ka të drejtë të mbrohet duke sulmuar objektivat në Rusi, pas një inkursioni në rajonin kufitar të Kurskut.

“Ne mendojmë se Ukraina po zhvillon një luftë legjitime mbrojtëse kundër një agresioni të paligjshëm. Dhe, në kuadrin e kësaj të drejte legjitime për të mbrojtur veten, Ukraina ka të drejtë të godasë armikun kudo që e sheh të nevojshme: në territorin e saj, por edhe në territorin e armikut”, ka thënë Stano.

Tutje është bërë e ditur se qindra ushtarë ukrainas janë përfshirë në inkursionin ndërkufitar në Rusi, i cili filloi të martën në Kursk, rajon ky që ndodhet rreth 500 kilometra në jugperëndim të Moskës, raportojnë mediat e huaja, përcjell albinfo.ch.