Dorëhiqet për shkak të afishes “kosovarët therin zviceranin”

Barbara von Escher nuk mund të imagjinojë që në krye të Bashkësisë Kishtare të jetë një person që ndiqet penalisht për paraqitje raciste

Silvia Bär është zëvendësekretare e përgjithshme e SVP/UDC-së në nivel nacional. Por ajo është po ashtu edhe kryetare e Bashkësisë Kishtare të Kishës reformiste në Seedorf të Bernës. Skandali me pllakatet e shpërndara në vitin 2011 nga kjo parti ku shkruante “kosovarët therin zviceranin” duke iu referuar therjes së një zvicerani nga një kosovar në Interlaken është akuzuar dhe pritet të dalë para gjyqit. Ajo, si funksionare e lartë e partisë se bashku me sekretarin e përgjithshëm Baltiser bart përgjegjësinë objektive për skandalin në fjalë.

Pala paditëse konsideron se teksti i afishuar në atë pllakat ka ndikuar duke ngritur disponimin kundër të huajve gjë kishte sjellë në fitoren e iniciativës kundër Migracionit Masiv. Ky mbishkrim paraqet një thënie paushalle dhe është shkelje e ligjit kundër racizmit. Duke qenë në pozitën e kryetarit ë partisë për këtë duhej të përgjigjej penalisht kryetar i saj Toni Brunner. Por imuniteti i tij prej deputeti e mbron atë nga akuza, gjë që i sjell para gjyqit dy zëvendësit e tij partiakë.

Ditëve të fundit kundër zëvendëskryetares së SVP-së Silvia Bär është ngritur një politikane lokale nga Berna. Ish deputetja në Kantonin  e Bernës, kryetare kantonale e partisë GFL Barbara von Escher nuk mund të imagjinojë që në krye të Bashkësisë Kishtare në Seedorf ku edhe vetë bën pjesë të jetë një person që ndiqet penalisht për paraqitje raciste. Për ketë arsye ajo ka dhënë dorëheqje nga bashkësia në fjalë, shkruan gazeta “Der Bernerzeitung.de”.

Nga ana tjetër Silvia Bär deklaron se “puna në SVP dhe angazhimi në Bashkësinë kishtare në asnjë mënyrë nuk kundërshtojnë njëra tjetrën”. Asaj i vjen keq që dikush për shkak të dallimeve politike po e braktis kishën. Por ajo nuk dëshiron të bëjë panik lidhur me këtë punë në bashkësinë kishtare, ka thënë ajo