Kundër kufizimeve për artikujt e jashtëm ushqimorë

Iniciativa qe ngritur nga deputeti i SVPsë, Rudolf Joder, i cili syonte përmirësimin e pozitës së bujqësisë vendore

Komisioni për Politikë të Jashtme i Dhomës Nacionale të Parlamentit të Zvicrës është përcaktuar me shumicë votash kundër kufizimit të futjes në Zvicër të artikujve ushqimorë të jashtëm.

11 anëtarë kanë qenë kundër këtij kufizimi, (që është subjekt i një iniciative parlamentare) 8 kanë votuar për kufizimet dhe 3 kanë qenë të përmbajtur.

Iniciativa është ngritur nga deputeti nacional i SVP/UDC-së, Rudolf Joder, i cili syonte që përmes saj të ndihmonte në përmirësimin e pozitës së bujqësisë vendore gjegjësisht mbrojtjen e saj.

Sipas politikanit në fjalë, vetëm me kushtet elementare të përmirësuara për bujqit mund të garantohet siguria e ushqimit për Zvicrën.

Por, shumica në komision (11 veta) kanë treguar argumente të tjera. Sipas tyre ekonomia zvicerane përfiton nga tregjet e hapura dhe në këtë mënyrë, kufizimi i futjes në Zvicër të artikujve ushqimorë të huaj është i pakuptimtë.