Zvicra do të ulë tarifën e detyrueshme të licencës televizive

@pixabay

Jo çdo gjë në Zvicër po bëhet më e shtrenjtë, përcjell albinfo.ch.

Në fakt, tarifa e radios dhe televizionit e mbledhur çdo vit nga Serafe nga të gjitha familjet zvicerane, do të bjerë nga 335 franga aktuale, në 312 franga deri në vitin 2027 dhe më pas në 300 franga nga viti 2029, tha Këshilli Federal të mërkurën.

Qëllimi kryesor i këtij reduktimi është zbutja e barrës financiare që tarifa e licencës u bën shumë familjeve dhe bizneseve.

Kjo lëvizje është gjithashtu një lloj koncesioni ndaj nismës “200 franga mjaftojnë”, të nisur nga disa parti dhe shoqata biznesi, të cilat duan të ulin tarifën edhe më shumë sesa qeveria.