Në listën e ndihmave sociale në fushën e azilit, që e përpilon Zyra Federale për Statistikë (BFS) përshihen refugjatët me status të pranuar (B) deri në 5 vjet qëndrim dhe ata me pranim të përkohshëm (F)  deri në 7 vite qëndrim. Pothuaj se tri të katërtat e personave që kanë marrë ndiha sociale gjatë vitit 2013 i kanë takuar kategorisë së parë.

Sipas BFS-së fëmijët dhe të rinjtë janë grupi më i madh i përfituesve të ndihmave sociale dhe përbëjnë 37%  nga numri i gjithëmbarshëm i refugjatëve të varur nga këto ndihma. Të dytët në listë janë personat e moshës 26 deri 35 vjeçare, që përbëjnë 30.5%.

Nga ana tjetër ka një rënie të numrit të meshkujve në krahasim me femrat në këtë kategori. Nëse ne vitin 2010 rreth dy të tretat e rasteve sociale ishin meshkuj, në vitin 2013 përqindja e tyre ka rënë në 54%.

Nga numri i përgjithshëm prej rreth 8300 shfrytëzuesve mbi 15 vjeçarë të ndihmave sociale, një e pesta këto ndihma i merr si plotësim të pagës nga puna që e kanë. Gjysma e këtyre punojnë me normë të plotë.

Numri i përgjithshëm personave nga kategoritë e azilit, të cilët marrin ndihma sociale (edhe i atyre me mbi 5 ose 7 vjet qëndrim në Zvicër) në fund të qershorit 2013 ka qenë  20.600.