Daku, me shumë oferta, mes tyre edhe nga gjiganti turk

Keystone (AP Photo/Franc Zhurda)

Mirlind Daku do të jetë në qendër të vëmendjes në afatin e verës, sidomos nëse bën paraqitje të rëndësishme në Euro 2024.

Futbollisti i Kombëtares kuqezi po kalonte një formë të mirë në Rusi me fanellën e Rubin Kazan, por tashmë raportohet se për të kanë ardhur një lumë ofertash nga klube të tjera të mëdha.

“VseProSport” bën të ditur se klubet e Zenit, Krasnodar dhe Dinamo Moskës janë interesuar për futbollistin shtatlartë, i cili ka lënë shenjën e tij me Rubin duke shënuar 10 gola në 28 ndeshje në sezonin e tij të parë në Rusi.

Por jo vetëm kaq, pasi edhe Beshiktashi raportohet se ka bërë një ofertë për të siguruar shërbimet e futbollistit, shkruajnë mediat shqiptare, përcjell albinfo.ch.

Megjithatë, Rubin Kazan ka vendosur të presë, pasi në klub janë të ndërgjegjshëm që vlera e Dakut do të rritet në bazë të paraqitjeve që do të bëjë në Euro 2024 nën drejtimin e Silvinjos.

Çdo gol apo asist atje bën që të rritet në mënyrë të menjëhershme vlera e kartonit, ndaj klubi rus shpreson që Daku të lërë shenjë, në mënyrë që të përfitojë financiarisht nga transferimi i tij, Sulmuesi ka edhe një vit kontratë të mbetur me klubin e Rubin Kazan.