Punonjësit në Zvicër, gjithnjë e më të stresuar në punë

pixabay

Përqindja e njerëzve në Zvicër që ndihen të stresuar në punë është rritur me 5% gjatë dhjetë viteve, ka raportuar Zyra Federale e Statistikave (FSO).

Sipas Anketës Shëndetësore Zvicerane të FSO-së, të publikuar të enjten, numri i punonjësve të stresuar u rrit nga 18% në 23% midis 2012 dhe 2022, transmeton albinfo.ch.

Në vitin 2022, 25% e femrave të punësuara dhe 21% e meshkujve të punësuar deklaruan se zakonisht ose gjithmonë kanë përjetuar stres në punë.

Stresi i lidhur me punën ishte më i zakonshëm në sektorin e kujdesit shëndetësor dhe shërbimeve sociale, ku 29% e të anketuarve thanë se ishin të stresuar, shkruan swissinfo. Një e katërta e grave të anketuara punonin në këtë sektor.

Për më tepër, në vitin 2022, 47% e burrave dhe 43% e grave ishin të ekspozuar ndaj të paktën tre nga dhjetë rreziqet e mundshme fizike në punë, sipas sondazhit.