Presidenti rus telefonon presidentin e ri të përkohshëm të Iranit

Keystone (AP Photo/RIA Novosti, Alexei Nikolsky, Presidential Press Service)

Presidenti i Rusisë, Vladimir Putin, ka zhvilluar një bisedë telefonike me presidentin e përkohshëm të Iranit, Mohammad Mokhber.

Sipas njoftimit, gjatë bisedës të dy liderët theksuan qëllimin e tyre të ndërsjellë për të forcuar më tej ndërveprimin ruso-iranian, transmeton albinfo.ch.

Mediat e huaja kanë raportuar se Mokhber u konfirmua që do të merrte qeverisjen e vendit në baza të përkohshme pas vdekjes së presidentit Ebrahim Raisi.

Ndryshe, Mokhber është pjesë e një këshilli prej tre personash, së bashku me kryetarin e Parlamentit dhe kreun e gjyqësorit, që do të organizojë zgjedhjet e reja presidenciale brenda një maksimumi 50 ditësh.