Kurti: BE-ja t’i heqë masat, kemi përmbushur të gjitha kërkesat e BE-së

Kosova i ka plotësuar të gjitha kërkesat e Bashkimit Evropian (BE) për heqjen e masave të vendosura ndaj saj, ka thënë Kryeministri Albin Kurti në mbledhjen e Këshillit Ministror për Integrim Evropian, përcjell albinfo.ch.

“Masa që janë në fuqi ndaj Kosovës bien ndesh me përpjekjet e rajonit për integrim të përshpejtuar në BE, sidomos edhe në planin e rritjes dhe qëllimin e tij. Në anën tjetër, po vazhdojmë me përpjekjet tona që të hapim më tepër mundësi në kuadër të dialogut të reformave të BE-së. Në këtë kontekst, kemi përmbushur të gjitha kërkesat e BE-së për heqjen masave kufizuese dhe këto masa duhet të largohen”, është shprehur Kurti.

Ai ka thënë se Kosova është e gatshme jo vetëm për të marrë statusin e vendit kandidat për anëtarësim në BE, por edhe të që të hapë negociatat dhe kapitujt e shumtë drejt anëtarësimit.