Federata e Xhudos në mbrojtje të Akil Gjakovës, beson në pafajësinë e tij

Federata e Xhudos së Kosovës i ka dalë në mbrojtje xhudistit kosovar Akil Gjakova i cili dyshohet për dhunë ndaj ish-gruas së tij.

Ndonëse theksohet se dënon çdo lloj dhune, megjithatë Federata beson në pafajësinë e tij. “Federata e Xhudos e Kosovës dënon fuqishëm çdo formë dhune dhe jemi thellësisht të shqetësuar për ngjarjet e fundit në vendin tonë. Ne e kemi për prioritet të mbrojmë dhe të promovojmë barazinë gjinore, e cila është e vërtetuar me arritjet kulminante dhe përkrahjen e shkëlqyeshme të sportisteve tona. Ne besojmë në pafajësinë e Akilit dhe urojmë që organet e rendit të drejtësisë sa më parë të zbardhin rastin. Andaj ftojmë mediat të tregojnë maturi në trajtimin e këtij rasti dhe të ndalojnë njollosjen dhe gjykimin publik të një nga figurave që vazhdon të promovoj imazhin pozitiv të vendit tonë”, thuhet në njoftimin e Federatës derisa bëhet e ditur se Akili momentalisht ndodhet jashtë territorit të Kosovës, dhe do të dorëzohet menjëherë tek organet e rendit dhe të drejtësisë në momentin që do të arrijë në Kosovë”, thuhet në njoftimin e Federatës.