Ky shtet i BE-së ka flotën më të vjetër të automjeteve

Sipas të dhënave nga Shoqata Evropiane e Prodhuesve të Automjeteve (ACEA), Greqia ka flotën më të vjetër të automjeteve brenda 28 vendeve të Bashkimit Evropian, Britanisë së Madhe dhe anëtarëve të EFTA, përcjell albinfo.ch.

Në këtë vend drejtohen makina me moshë mesatare 17.3 vjeç, që do të thotë se disa automjete janë antike të vërteta automobilistike. Menjëherë pas, me një mesatare prej 16.6 vitesh, është Estonia.

Ndryshe, duhet thënë se situata në përgjithësi nuk është e mirë: në 21 shtete, mosha mesatare e flotës së automjeteve është më shumë se 10 vjet, dhe është veçanërisht interesante të theksohet se shteti më i fuqishëm evropian i automobilave, Gjermania, ose Zvicra e pasur, ka një flotë automjetesh që është një dekadë ose më shumë e vjetër.

Mesatarja evropiane brenda vendeve të përmendura gjithashtu është rritur dhe arrin në 12.3 vjet.

Nëse pyesim se cili vend evropian ka flotën më të re të makinave, ai është Luksemburgu i vogël dhe shumë i pasur me një mesatare prej 7.9 vjetësh, që është një vit më i ri se flota e drejtuar nga austriakët dhe danezët.