Kuriozitete
Kuriozitet: Ky vend ndalon shëtitjen e qenve me zinxhirë
Në Itali nuk ka asnjë ligj kombëtar të zbatueshëm në të gjithë territorin që e ndalon këtë praktikë
Nga sot në Toskanë nuk mund të ketë më qenë të lidhur me zinxhirë, sipas “Il Messaggero”.
Këshilli i Qarkut ka miratuar përfundimisht rregulloren që e ndalon, pas Po-së së parë dhjetorin e kaluar dhe më pas kalimit të saj në komisionin përkatës të Këshillit të Qarkut, i cili u shpreh pozitivisht.
Ndalimi ka efekt të menjëhershëm. Ai do të jetë i vlefshëm gjatë gjithë vitit dhe jo vetëm në verë siç ishte në vitin 2023, kur mbajtja e qenve të lidhur me zinxhirë u ndalua me urdhër të presidentit Giani sepse me vapën dhe rrezikun e zjarreve kafshët rrezikonin të ngordhnin, shkruan ATSH, transmeton albinfo.ch.
Me këtë akt, rregullorja e vitit 2011 tani është ndryshuar zyrtarisht, e cila ende, megjithëse në mënyrë të jashtëzakonshme parashikonte mundësinë e mbajtjes së qenit të lidhur, për gjashtë orë në ditë me zinxhirë të paktën gjashtë metra të gjatë.
Fenomeni i qenve të lidhur me zinxhirë është më i përhapur nga sa mund të besohet dhe rregullorja e mëparshme nuk përcaktonte saktësisht se në cilat raste të jashtëzakonshme mund të mbahej një qen në këtë gjendje, duke lënë në mënyrë efektive gjithçka në diskrecionin e individëve.
Toskana po zbaton rregulloren e ngjashme të ndjekur tashmë nga Lombardia, Veneto, Emilia Romagna, Umbria, Marche, Lazio, Campania, Abruzzo, Pulia dhe provinca e Trentos.
Në Itali nuk ka asnjë ligj kombëtar të zbatueshëm në të gjithë territorin që e ndalon këtë praktikë.
Me modifikimin e rregullores, Toskana ndalon mbajtjen e qenve me zinxhir ose me mjete të ngjashme frenimi, dhe përcakton saktësisht përjashtimet, pra në rastet e vërtetuara shëndetësore ose për masa urgjente sigurie.
“Është një normë qytetërimi: mbajtja e qenve me zinxhir mund të ketë pasoja të rënda, psikologjike dhe fizike, për zhvillimin e kafshëve”, tha presidenti i Toskanës, Eugenio Giani. “Ndalimi i kësaj praktike do të ndihmojë në rritjen e mirëqenies së tyre”, tha këshilltari për të drejtën e shëndetit”, Simone Bezzini.
Të tjera nga Kuriozitete
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?